Le Lyon est roy sur toute autre beste,
Pour son cœur noble, et magnanimité.
Sa grand vertu est es yeulx et la teste :
Lesquelz couvers, il perd force et fierté.
Par la queue est flagellant irrité.
Du soleil tient, et feu elementaire :
Dond craint le Coq, aussi la flambe claire.
Le vray Lyon ha crins longs en col roux,
Aulx prosternez clement, aulx fors contraire.
Humilité appaise grand courroux.